044 ترجمة مع نوران ابراهيم

نوران ابراهيم مدرسة مساعدة فى جامعة عين شمس و مترجمة بتكلمنا عن تطوير اللغة و تجربتها مع هيومانز اوف نيويورك  (Humans of New York)  و تبادل الثقافات و القصص الأنسانية و ازاى (Brandon Staton) براندون ستاتون لفت نظره الأماكن و القصص و التجارب المختلفة.

و ان نتيجة لأجتهاد تطوير اللغة وصل نوران انها تخوض تجربة مؤثرة زى دى اللى اثرت فى تحفيز انها تكمل فى مجال الترجمة و انها تفخر بعلمها و كمان بتقولنا ازاى تطور من اللغة العربية امام البلاد التانية و نقل الصورة كاملة للعالم.و فى اخر الحلقة قالتلنا عن النصايح اللى تم الأستفادة منها فى المقابلات (interviews) مع الناس و ازاى نقدر نخلى الناس تبقى مرتاحة فى الكلام معانا.

المقدم: سلمى نصار  

الضيف: نوران ابراهيم

منتج الصوت Arcast

الروابط: هيموانز اوف نيويورك فيسبوك Humans of New York – الموقع الرسمى 


043 تسويق رقمي مع معتز قطب

فى الحلقه دى بيكلمنا معتز قطب المدير التنفيذى لشركه CultArk (كالت ارك) عن التسويق الرقمى و كيفيه التعامل مع الصعوبات التى تواجه الشركات فى مختلف الأوقات و ازاى سوق العمل بيختلف على مر السنين فى فتره قصيره و كمان عن تطور التسويق الرقمى و اهدافه فى العالم و الشرق الأوسط.

و فى اخر الحلقه بيتكلم عن ازاى التكنولوجيا ممكن تأثر على التسويق الألكترونى و نصائحه لمن يرغب فى دخول مجال التسويق الرقمى بأهميه القراءه والتنميه الذاتيه.

المقدمون: مريم طه و هشام وهبي
الضيف: معتز قطب

منتج الصوت Arcast

 

الروابط: معتز قطب| اللينكد اين|| صفحه الفيس بوك كالت ارك(CultArk) |الموقع الرسمى CultArk

 

 

                                                                                


042 مساحات عمل مشتركة مع محمد ناجي

ما هي مساحات العمل المشتركة؟ وإزاي بدأت مساحة “المقر”؟

بنتكلم مع محمد ناجي عن أصل الفكرة، وتطورها خلال السنوات الماضية.

المقدم: سلمى نصار
الضيف: محمد ناجي

منتج الصوت: Arcast

 


041 التكنولوجيا الواعية

في الحلقة دي بنتكلم عن التكنولوجيا الواعية أو الاستخدام الهادف للتكنولوجيا مع سلمى الحريري احدى مؤسسي “SkaleUp Ventures”. سلمى بدأت بداية غير تقليدية بحكم حبها للتكنولوجيا وريادة الأعمال. بتحكيلنا عن رحلتها مع ريادة الأعمال وخبراتها في 4 سنين في “Silicon Valley”.

حقيقي الحوار بتاعنا مع سلمى كان مليء بالقصص والأفكار عن اهمية التطوير الوعي للتكنولوجيا و مكانتنا في العالم في زمان التطور السريع للتكنولوجيا وحالة مجال ريادة الأعمال في مصروالشرق الأوسط بالمقارنة بـي المجال في الخارج.

اتكلمنا مع سلمى عن أول مسرعة أعمال بدأتها وكانت عبارة عن برنامج يستهدف شركات من مصر والشرق الأوسط وبيديهم فرصة انهم يسافروا أمريكا لمدة 6 اسابيع وفي خلالها يستفيدوا من خبرات أكثر من 250 موجه. كانت هذه المسرعة بداية لشركات كتير نعرفها دلوقتي زي Eventtus. بنعرف منها إزاي خبرتها مع المسرعة كانت سبب بداية “SkaleUp Ventures”.

عرفنا أكثر عن تحديات مجال ريادة الأعمال في مصر وتأثير نقص المعلومات والبحوث والأرقام عن المجال. عرفنا ليه سلمى وفريق العمل قرروا يعملوا تقرير عن حالة المجال في مصر وعرفنا كمان ليه قرروا عدم نشر التقرير ده.

اتكلمنا عن عدم وجود التدريب الكافي لوسائل التكنولوجيا والتطوير في مصر ومشكلة جذب وابقاء الموهبة. اتكلمنا عن تعريف التكنولوجيا الواعية و طريقة دمج الربح والتطوير مع الهدف المجتمعي.

أنا ليه موجود هنا؟ إيه هي المشكلة اللي أنا مش بعرف أنام عشان عايز احلها؟ مشوار الشركة يبدأ بـ وعي داخلي. اتكلمنا عن اختلاف وجهات النظر في إيه أهم حاجة مجال ريادة الأعمال محتاجها في مصر والشرق الأوسط مكانتنا في العالم في زمان التطور السريع للتكنولوجيا.

عرفنا إن في 2017 كان حجم الاستثمار المخاطر في أوروبا 23 مليار وفي أمريكا 70 مليار وفي الوطن العربي كانت 400 مليون فقط. في 2017 كان في 1500 اتفاق للاستثمار في لندن في حين كان في 23 اتفاق في مصر كلها… اتكلمنا عن الأسباب التي أدت إلى هذا التباين الضخم في الأرقام.

عرفنا إيه سبب تردد المستثمرين في مصر للمخاطرة بفكرة جديدة أو ابتكار مش مضمون وكيفية تشجيع المستثمرين لدعم الابتكارات الناشئة وإنشاء منصة “Inconscious” للاستثمار في التكنولوجيا الواعية.

اتعرفنا منها على أسلوب إدارة الأعمال في “Silicon Valley” ونشأ العلاقات وعرفنا منها إيه اللي اكتسبته  من حضور 397 حدث في Silicon Valley و إزاي التجربة دي كانت الأساس لبدء “Vested Summit”. اتكلمنا عن هدف المؤتمر لتقديم نوع جديد من الأحداث المختلفة عن المتوافر حاليا في مجال ريادة الأعمال.

وأخيرًا سلمى شاركت معانا سبب عدم موافقتها لنصيحة “Move fast and break things” أو “Fail fast and fail cheap” وهي فكرة إن احنا نتحرك بسرعة ونعمل أي حاجة من غير تعديد مناسب وإن ده بيأثر على ثقافة الشركات وإن ريادة الأعمال مش لازم يبقى معناها إن إنت تضحي بصحتك وعلاقاتك عشان المكسب.

نصيحة سلمى: تريث وابدأ على روقان عشان تكمل. خليك واثق في الفكرة وواثق في فريقك والهدف ورا شركتك.

المقدمون: هشام وهبي و سلمى نصار
الضيوف: سلمى الحريري

منتج الصوت: Arcast 

الروابط: سلمى الحريري – صفحة اللينكادان
SkaleUp Ventures – الموقع الرسمي | صفحة الفيسبوك
Vested Summit – الموقع الرسمي
The Signal – الموقع الرسمي | صفحة الفيسبوك
Arcast – الموقع الرسمي | صفحة الفيسبوك
راديو الأفكار – الموقع الرسمي | صفحة الفيسبوك

ملحوظات: Comparative Advantage: الميزة النسبية


040 التجارة الإلكترونية

في الحلقة دي بنتعرف على التجارة الإلكترونية وبنتكلم عن نمو مجال التجارة الإلكترونية في مصر مع عبد القادر أحمد، مؤسس eCommerce Monkey  وخبير منصة Shopify في مصر والشرق الأوسط. 

بنتكلم عن أكبر التحديات في استخدام التجارة الإلكترونية في مصر:الثقة في الدفع من خلال الإنترنت وشركات الشحن وتوصيل الطلبات.

بنتكلم عن طرق الدفع المتاحة حاليا ومميزاتها ومشاكلها. بنرد على مقولة إن “مفيش حد في مصر فاهم الE-commerce في مصر”.

بنتكلم كمان عن الخطوات لبدء استخدام منصة التجارة الإلكترونية في مصر والشرق الأوسط و حكايات نجاح لمحلات التجارة الإلكترونية المصرية.

وفي أخر الحلقة بيشارك معانا عبدالقادر حكايته مع مجال ريادة الأعمال  كواحد من مؤسسي الرحلة والمقر ونصيحته الشخصية لأي حد عايز يبدأ المشروع الخاص به.

المقدم: سلمى نصار
الضيوف: عبد القادر أحمد

منتج الصوت: Arcast 

الروابط: 

عبد القادر أحمد – صفحة اللينكادان
Shopify – الموقع الرسمي 
eCommerce Monkey – الموقع الرسمي
The Signal – الموقع الرسمي | صفحة الفيسبوك
Arcast – الموقع الرسمي | صفحة الفيسبوك
راديو الأفكار – الموقع الرسمي | صفحة الفيسبوك

ملحوظات:

Transaction: عملية تجارية
Third-party: جهة مستقلة
End-to-End: من الأول للأخر/شامل/متكامل


039 التنمية الفنية للأطفال

في الحلقة دي بـنتكلم عن تأثير الفنون والثقافة في تنمية الفرد مع مؤسسة  ألوان وأوتار: جمعية بتوفر مساحة مشجعة وآمنة للأطفال والشباب لاكتشاف الذات والتعبير عنها وتنمية مهاراتهم وقدراتهم الفكرية والإبداعية.

اتكلمنا مع مروة عن بداية ألوان وأوتار والهدف من الجمعية وإزاي بيتوصلوا مع الأطفال. فتحنا موضوع التحديات اللي بتواجه مجال التنمية الفنية والتوعية الثقافية في مصر و تطور المجال في خلال السنوات الأخيرة. عرفنا أكتر عن إزاي وجود الفن ممكن يؤثر في حياة الطفل وشخصيته ومجتمعه.

عرفنا طريقة التأثير العملي للمبدارات الفنية و سمعنا قصص نجاح أطفال وشباب شاركوا في برامج ألوان وأوتار.

واتكلمنا كمان عن إزاي ممكن نشارك في نشر التوعية الفنية وإزاي ممكن أي حد مهتم بالمجال يبدأ يشارك فيه.

الحلقة 39 جزء من تسجيلاتنا مع شركاء برنامج YPE وهو برنامج بيسعى لخلق وظائف وتشجيع بيئة العمل الصحية ومشاركة الشباب في سوق العمل.

المقدم: مريم طه و سلمى نصار
الضيوف: مروة كروت 

منتج الصوت: Arcast 

الروابط: 

ألوان وأوتار – الموقع الرسمي |  صفحة الفيسبوك
The Signal – الموقع الرسمي | صفحة الفيسبوك
Arcast – الموقع الرسمي | صفحة الفيسبوك
راديو الأفكار – الموقع الرسمي | صفحة الفيسبوك
نظام Montessori – صفحة الويكيبيديا


038 نصائح رواد الأعمال من رايز أب

رايزاب.. حدث بيجمع كل المهتمين بالابتكار و ريادة الأعمال فى مصر و الشرق الأوسط عشان يتبادلوا الأفكار و يتعلموا من خلال الخبرات المختلفة و يتعاونوا لتقوية مجال ريادة الأعمال.

Aerial Shot from Rise Up 2018

فى 2018 نزلنا رايزاب عشان نتكلم من الحاضرين و نسئلهم عن تجربتهم مع ريادة الأعمال و نصائحهم الشخصية لرواد أعمال المستقبل.

المقدم: سلمى نصار
الضيوف (بترتيب ظهورهم): 

منتج الصوت: Arcast 


037 مسرعات الأعمال في الجامعات

في الحلقة دي هنتكلم عن مساندة الشركات الناشئة مع فريق AUC Vlab: أول مسرعة أعمال جامعية في مصر وواحدة من شركاء YPE.

اتكلمنا معاهم عن أهمية تحديد الزبون محتاج إيه قبل ما تبدء أي شركة  و دور مسرعات الأعمال في نشر التوعية عن أهمية تقديم قيمة للمجتمع ومساعدة الشركات الناشئة في فهم السوق المصري.

ملحوظة مهمة: للأسف الحلقة 39 اتسجلت خارج الإستديو مما أدى الى خلل بسيط في جودة الصوت. ملحوظة تانية:

Financial Inclusion = شمول مالي
Career Path = توجه مهني

المقدم: سلمى نصار 
الضيوف: أحمد البيومي ومورين جرجس ونور ابراهيم

منتج الصوت: Arcast 

الروابط: 

AUC Vlab – الموقع الرسمي |  صفحة الفيسبوك
The Signal – الموقع الرسمي | صفحة الفيسبوك
Arcast – الموقع الرسمي | صفحة الفيسبوك
راديو الأفكار – الموقع الرسمي | صفحة الفيسبوك


036 مؤتمرات على البحر مع الرحلة

في الحلقة دي هنتكلم الnetworking وثقافة العمل مع مؤسسي “الرحلة”.

اتكلمنا مع شريف وداليا عن أهمية السفر والابتعاد عن الحياة الروتينية في التفكير وتحسين وتوطيد علاقات العمل. عرفنا منهم قصة الرحلة وإزاي بدأوا وإزاي بيكبروا. اتكلمنا عن أنواع الرحلات المختلفة وأنواع الانشطة الممكن تتعمل عشان نحسن طريقة شغلنا مع بعض سواء في داخل الشركة أو مع شركة أخرى.سألناهم عن إزاي توصلوا لنموذج الرحلة, وهو نموذج لرحلات العمل فريد من نوعه على مستوى العالم. اتكلمنا عن الفرق ما بين مصر والغرب في ثقافة العمل ونظرة الشركات لأهمية نشاطات التنمية.

اتكلمنا برده عن الYPE كامب وتجربتنا هناك مع فريق الرحلة و شركاء برنامج الYPE “المشاركة الشبابية والتوظيف” و تعمقنا أكثر كمان وعرفنا قصة داليا وقصة شريف مع ريادة الأعمال وتأثير الرحلة على حياتهم.

وطبعا اخدنا منهم نصائحهم الشخصية لأي حد عايز يبدأ شركة أو مشروع خاص به.

المقدمون: هشام وهبي وسلمى نصار
الضيوف: داليا سعيد وشريف أشرف

منتج الصوت: Arcast

الروابط: 

The Signal – الموقع الرسمي | صفحة الفيسبوك 
Arcast – الموقع الرسمي
راديو الأفكار – الموقع الرسمي | صفحة الفيسبوك


035 عودة راديو الأفكار

اهلا بيكو تاني في راديو الأفكار!

في الحلقة دي هنتكلم عن عودة راديو الأفكار.

هنحكي معاكم عن أسباب عدم تواجدنا الفترة الفاتت و عن أهداف الفترة القادمة. هنعرفكم على مقدمين جداد هيكونوا معانا في البودكاست و عن الوصلة ما بين راديو الأفكار ومنصة The Signal.

كمان هنشرح تاني ايه هو راديو الأفكار ونسمع مع بعد مقتطفات من الحلقات القديمة عشان نفكركم بالبودكاست ونعرف مستمعينا الجداد.

المقدمون: هشام وهبي وسلمى نصار

منتج الصوت: Arcast 

الروابط: 

The Signal – الموقع الرسمي | الفيسبوك 

Arcast – الموقع الرسمي

راديو الأفكار – الموقع الرسمي | الفيسبوك

Continue reading